ლუკა სირაძის მიერ დაწერილი ფრაზა, რომელიც მოზარდზე ზეწოლისა და ძალადობის მიზეზი გახდა, რომელმაც მოზარდის ტრაგიკული დაღუპვა გამოიწვია, ახალგაზრდებმა სიმბოლურად ქალაქის რამდენიმე ადგილას წააწერეს. წარწერა “ქართული ოცნების” ოფისთანაც გამოჩნდა.
მოზარდი, რომელმაც რამდენიმე დღის წინ თვითმკვლელობა სცადა, გუშინ საავადმყოფოში გარდაიცვალა. 15 წლის ლუკა სირაძე მე-9 სართულიდან 12 დეკემბერს გადმოხტა. ამ ფაქტს წინ უძღოდა “მწვანე სკოლის” ტერიტორიაზე გაკეთებული წარწერები, რომელთა გამოც მოსწავლე მოწმის სახით დაკითხეს. ოჯახის წევრების და უფლებადამცველების თქმით, მოზარდზე პოლიციის მხრიდან ფსიქოლოგიურ ზეწოლა განხორციელდა.