ლუკა სირაძის ოჯახს “მწვანე სკოლა” სამძიმარს უცხადებს, სადაც მოზარდი რამდენიმე თვის განმავლობაში სწავლობდა. სწორედ “მწვანე სკოლაში” გაკეთებული წარწერების შემდეგ დაიწყო ყველაფერი.
“უდიდეს მწუხარებას და სევდას ვგრძნობთ ლუკა სირაძის გარდაცვალების გამო. შეუძლებელია ამ უმძიმეს წუთებში ნუგეშის სიტყვების გამოძებნა. ვუსამძიმრებთ ოჯახს, მეგობრებსა და ახლობლებს ამ ენითაღუწერელი ტრაგედიის გამო.
მიუხედავად იმისა, რომ ლუკა მხოლოდ რამდენიმე თვე სწავლობდა ჩვენს სკოლაში, მასთან მეგობრობა და ემოციური ბმა აკავშირებს მის ყოფილ თანაკლასელებს და მასწავლებლებს და ყველას, ვინც მას იცნობდა. ამ ამბავმა შეგვძრა. ჩვენი სკოლა გლოვობს ლუკას გარდაცვალებას,”- ნათქვამია განცხადებაში.
სასწავლებელში სწავლის პროცესი მომხდარის გამო კვირის ბოლომდე შეწყვეტილია.