სახელმწიფო მინისტრობის კანდიდატი გალის რაიონში რუსი სამხედროების მობილიზებას საფრთხის შემცველად მიიჩნევს.ქეთევან ციხელაშვილი თქმით, პროექტი გალის სამხედრო ქალაქად გამოცხადების შესახებ ჟენევის ფორმატში იქნება განხილული და ამის შესახებ თანათავმჯდომარეები უკვე ინფორმირებული არიან.ამავე თემაზე კომენტარს აკეთებს დიასპორისა და კავკასიის საკითხთა კომიტეტის თავმჯდომარე. გალის რაიონში რუსეთი მასშტაბურ მშენებლობებს იწყებს.არსებული ინფორმაციით, ენგურის მიღმა დამატებით 25 ახალი საგუშაგო და გალში 20 ათასამდე სამხედრო განლაგდება.პარალელურად, უკიდურესად რთულ ვითარებაში აღმოჩნდება ადგილობრივი მოსახლეობა, რადგან რაიონში შესვლა მხოლოდ სპეციალური საშვებით იქნება შესაძლებელი.რუსეთის ქმედებების საპასუხოდ ვაშინგტონმა მოსკოვს 2008 წელს ნაკისრი ვალდებულებების შესრულებისკენ მოუწოდა.„ჟენევის თანათავმჯდომარეებთან კონსულტაციებისას ამ კვირაში გვქონდა ამ საკითხებზე საუბარი. ისინი ახლა იმყოფებიან სოხუმში, ვფიქრობ, რომ ამ საკითხზეც ექნებათ საუბარი. ამჯერად ამ შეთანხმებით კიდევ უფრო იზრდება კონტროლის ხარისხი ამ ტერიტორიებზე, მით უფრო იმ ვითარებაში, როდესაც არ არის საერთაშორისო უსაფრთხოების მექანიზმები,“-განაცხადა ქეთევან ციხელაშვილმა.