მთავარისიახლეებიპოლიტიკასახალხო დაცველი: აქციაზე საჯარო მოხელეები და მასწავლებლები ზეწოლითა და იძულებით ჩაყავთ -...

სახალხო დაცველი: აქციაზე საჯარო მოხელეები და მასწავლებლები ზეწოლითა და იძულებით ჩაყავთ – მსგავსი ქცევა სისხლის სამართლის დანაშაულის ნიშნებს შეიცავს

Published on

სახალხო დამცველის განცხადებით, 14 დეკემბერს ქართული ოცნების ორგანიზებულ აქციაზე ა(ა)იპ-ებისა და საგანმანათლებლო დაწესებულების თანამშრომლები ზეწოლითა და იძულებით ჩაყავთ. ლომჯარია აცხადებს, რომ ეს ფაქტი კონფიდენციალობის დაცვის პირობით რეგიონებში მოქალაქეებმა დაადასტურეს.

“მოქალაქეების განცხადებით, აქციაში მონაწილეობის მიღებაზე უარის შემთხვევაში ხელმძღვანელი პირები სამუშაო ადგილებზე სამომავლოდ პრობლემების შექმნაზე მიანიშნებენ”, — წერია ლომჯარიას განცხადებაში.

ომბუდსმენი აღნიშნავს, რომ მსგავსი ქცევა სისხლის სამართლის დანაშაულის ნიშნებს შეიცავს. მისი თქმით, იმის გათვალისწინებით, რომ ინფორმაცია კონფედენციალურად მიაწოდეს, არ შეუძლიათ პროკიურატურისთვის მიმართვა გამოძიების დაწყების მოთხოვნით.

“ზემოაღნიშნულიდან გამომდინარე, საქართველოს სახალხო დამცველი მოუწოდებს ადგილობრივი თვითმართველობის ხელმძღვანელ პირებს და სამსახურების ხელმძღვანელებს, შეწყვიტონ თანამშრომელთა იძულება. პარალელურად, მოვუწოდებთ საგამოძიებო ორგანოებს განახორციელონ შესაბამისი მოქმედებები და გამოავლინონ შესაძლო პასუხისმგებელი პირები, რომელთა ქმედებაშიც შეიძლება იკვეთებოდეს დანაშაულის ნიშნები”.

გარდა ამისა, ობმუდსმენი მოუწოდებს მოქალაქეებს შესაძლო ზეწოლის შემთხვევაში მიმართონ სამართალდამცავ ორგანოებს. სახალხო დამცველი გამოთქვას მზაობას, სურვილის შემთხვევაში, დაეხმაროს მათ საგამოძიებო ორგანოებისათვის მიმართვის პროცესში.

შეგახსენებთ, რომ მმართველი გუნდის ახალგაზრდული ფრთა, პარტიის მხარდაჭერით, შაბათს აქციას მართავს, რომელზეც ევროსაბჭოს თავმჯდომარეობა უნდა იზეიმონ. ამ ღონისძიებაზე არ არიან მიწვეული ევროპელი დიპლომატები და მხოლოდ პარტიის მხარდამჭერები შეიკრიბებიან. რაც შეეხება თავმდჯომარეობას, ეს ტიტული საქართველოს რეგლამენტის მიხედვით და ანბანის შესაბამისად ერგო.

მმართველ გუნდში უარყოფენ ინფორმაციას იძულების შესახებ და აცხადებენ, რომ მსურველები ბევრნი არიან. მათი თქმით, რეგიონებიდან ხალხის ჩამოსაყვანად ტრანსპორტი არ ჰყოფნით. 

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...