საკანონმდებლო ორგანოში საღამოს უმრავლესობის სხდომაც გაიმართა. უმრავლესობის წევრებმა მომავალი კვირის დღის წესრიგი შეათანხმეს. სხდომაზე საუბარი შეეხო კომიტეტებში შიდა გადაადგილების შესაძლებლობებს. მომავალი კვირიდან ცნობილი გახდება კომიტეტების თავმჯდომარეების მოადგილეები.პირველივე საკითხი, რაც კომიტეტებში იქნება განხილული, მთავრობისთვის ნდობის გამოცხადების პროცედურაა. ასევე სამთავრობო პროგრამის განხილვა.ორშაბათს, 3 საათზე ბიუროს სხდომაა ჩანიშნული.მინიტრთა კაბინეტის ახალ შემადგენლობას პარლამენტი, სავარაუდოდ, მომავალი კვირის ბოლოს დაამტკიცებს.„გვექნება, ალბათ, რიგგარეშე სესია, სადაც მთავრობის ნდობის გამოცხადებაზე ვიმსჯელებთ. ეს არის ძალიან მნიშვნელოვანი კვირა, როდესაც ახლად არჩეული პარლამენტი იწყებს მთავრობის ფორმირების დასრულებას და მისთვის ნდობის გამოცხადებას,“ – განაცხადა ეკა ბესელიამ.