“საბა”-ს ნომინაციაში ,,წლის საუკეთესო პროზაული კრებული”გამარჯვებულად ზაალ სამადაშვილის “ოსტატთან შეხვედრა” დასახელდა. თანამედროვე ლიტერატურის ერთ-ერთი ყველაზე გამორჩეული ხელწერის ავტორი უკვე “საბას” ლაურეატია.

,,ზაალ სამადაშვილის ახალი მოთხრობები, ნოველები და მინიატურები დოკუმენტური სინამდვილეცაა და ჩვენი უახლესი წარსულის, რთული და ნაღვლიანი დროის უტყუარი ანაბეჭდიც. თუმცა, კარგი მწერლის ხელში სინამდვილეც სხვაგვარად იკითხება და მთავარი ამ წიგნში სწორედ ესაა – თხრობის თავისებურება. 

ზაალ სამადაშვილი თხრობის ოსტატია. მის მონაყოლ ისტორიას მეტატექსტის სიღრმე და სიმსუბუქე თანაბრად ახლავს. ესაა „ტყვიაგაუმტარივით საიმედო გარსი“ ყველა ბრძოლის გადასატანად – ამ ამბების მოყოლის სურვილი“. (ნინო სადღობელაშვილის წინასიტყვაობიდან)– ნათქვამია წიგნის წინასიტყვაობაში , რომელიხც გამომცემლობა ,,ინტელექტმა” დასტამბა

ზაალ სამადაშვილი არის ავტორი სხვადასხვა წლებში გამოცემული წიგნებისა გიტარაზე ამოთქმულ ხრინწიან სიმღერასავით (1994), როგორც ძველ იტალიურ ფილმებში (1999), ალი გამურულ შუშაში (2001), ბოშები (2003), პლეხანოვური ამბები (2004), Iროგორ უყვარდათ ერთმანეთი (2004), სანდრო კანდელაკის ჩექმა (2006), მოთხრობები ბიჭებისთვის (2010), 

მისი პირველი მოთხრობა ,,ბაბო” ცენზურამ დაჭრა და კუპიურების სახუთ გამოქვეყნდა 1983 წელს ჟურნალ „ცისკარში“.

არის ავტორი სცენარისა სრულმეტრაჟიანი ფილმისათვის “თემო”.