ე.წ. კაბელების საქმეზე ბრალდებულთა ერთი ნაწილის თავდაცვის სამინისტროში აღდგენის ფაქტს აქტიური გამოხმაურება მოჰყვა პოლიტიკური ფიგურებისა და საზოგადოების მხრიდან.
საქართველოს თავდაცვის ყოფილი მინისტრი, “თავისუფალი დემოკრატების” ლიდერი ირაკლი ალასანია დღეს გავრცელებულ განცხადებაში მიესალმება თ ამ გადაწყვეტილებას და გამოთქვამს იმედს, რომ სამართლიანობა აღდგება სხვა იმ თანამშროლების მიმართაც, ვინც ასეთივე უდანაშაულო მსხვერპლი იყვნენ “კაბელების” გამოგონილ საქმეში.
საპარლამენტო უმრავლესობის ერთერთი ლიდერი გია ვოლსკი კაბელები საქმეში ბრალდებულთა სამსახურში აღდგენის ფაქტს თავადსმინისტრის ჰუმანურ გადაწყვეტილებად აფასებს და აცხადებს, რომ ხიდაშლი, როგორც გამოცდილი იურისტი, სამართლებრივად გაუმართავ ნაბიჯს არ გადადგამდა, ამასთან აღნიშნავს, რომ სამინისტროში დაბრუნება ამ პირთა ბრალეულობის საკითხს არ ხსნის დღის წესრიგიდან სასამართლოს საბოლოო გადაწყვეტილებამდე
საზოგადოების მაღალი ინტერესიდან გამომდინარე, თავად მინისტრი თინა ხიდაშელი ფეისბუქის საკუთარ გვერდზე განმარტავს კაბელების საქმეში ბრალდებულების თავდაცვის სამინისტროში აღდგენის განმსაზღვრელ არგუმენტებს. მისი თქმით, თავდაცვის სამინისტოს თანამშრომლები არასოდეს ყოფილან გათავისუფლებული, მათ სასამართლომ წინასწარი პატიმრობა შეუფარდა, რასაც ავტომატურად მოჰყვა მათი უფლებამოსილების შეჩერება, ხოლო როცა სასამართლომ აღმკვეთი ღონისძიება შეცვალა და პატიმრობა შეწყდა, კანონის თანახმად მათთვის შეჩერებული უფლებამოსილების აღდგენა მოხდა.
,,ვინმეს დამნაშავეობა/უდანაშაულობა თავდაცვის სამინისტროს განსასჯელი არ არის. ამას სასამართლო დაადგენს,'' – წერს თავდაცვის მინისტრი.