„ეროვნული ფორუმის“ ერთ-ერთმა ლიდერმა გუბაზ სანიკიძემ პარტია დატოვა. ამის შესახებ სანიკიძემ რამდენიმე წუთის წინ გამართულ პრესკონფერენციაზე განაცხადა. მისი თქმით, პარტიის დატოვების მიუხედავად პოლიტიკაში რჩება. „ვიღებ გადაწყვეტილებას დავტოვო „ეროვნული ფორუმის“ რიგები, თუმცა ვრჩები პოლიტიკაში და ხელს შევუწყობ დიდი ოპოზიციური მოძრაობის ჩამოყალიბებას. უახლოეს პერიოდში გაიგებთ, რა და როგორ იქნება. დრო მჭირდება კონსულტაციებისთვის“, – განაცხადა სანიკიძემ.