დონალდ ტრამპის აშშ-ის საპრეზიდენტო არჩევნებში გამარჯვებასთან დაკავშირებით განცხადებას ავღანეთში მოქმედი ექსტრემისტული დაჯგუფება „თალიბანი“ ავრცელებს. თალიბები დონალდ ტრამპს ავღანეთიდან ჯარების დაუყონებლივ გაყვანისკენ მოუწოდებენ.„ჩვენი გზავნილი ტრამპისთვის შემდეგია: აშშ-ის სახელმწიფო პოლიტიკა ისეთი გზით უნდა ტარდებოდეს, რომ სხვა ერების თავისუფლებებს არ უქმნიდეს საფრთხეს და არ უნდა იყოს დაინტერესებული სხვების მკვლელობაში და განსჯაში“, – ნათქვამია „თალიბანის“ განცხადებაში.ექსტრემისტები აცხადებენ, რომ აშშ-დან ამერიკული კონტინგენტის გაყვანით, ავღანეთში ძალადობა დასრულდება და მშვიდობა დამყარდება.მანამდე, ავღანეთში აშშ-ის ელჩმა მაიკლ მაკინლიმ განაცხადა, რომ საპრეზიდენტო არჩევნების შედეგები ავღანეთში ვაშინგტონის პოლიტიკაზე არ აისახება.