გენდერული ნიშნით ძალადობის წინააღმდეგ 16 დღიან კამპანიას “სამოქალაქო აქტივობისა და თანასწორობის” ცენტრი შეუერთდა და ევროკავშირის სადამკვირვებლო მისიასთან თანამშრომლობით ფორუმ თეატრის წარმოდგენა განმუხურის სკოლში გამართა .
ქალებისა და გოგოების მიმართ ძალადობა, როგორც ადამიანის უფლებათა ერთ-ერთი ყველაზე
გავრცელებული დარღვევა, ძალთა უთანასწორობის გამოვლენას წარმოადგენს და გენდერული
ნიშნით განხორციელებული ძალადობის სტრუქტურული ბუნებით ხასიათდება.
ქალთა და გოგოების მიმართ ძალადობის აღმოფხვრა მნიშვნელოვანია დემოკრატიული
სახელმწიფოს განვითარებისათვის და ხელისუფლების მხრიდან მოითხოვს პასუხს სათანადო,
ეფექტიანი პოლიტიკის გატარებით.
ქალთა მიმართ და ოჯახში ძალადობის წინააღმდეგ ბრძოლა არ წარმოადგენს მხოლოდ ერთი
ინსტიტუტის პასუხისმგებლობას, იგი მთლიანი სახელმწიფოს, საზოგადოების თითოეული
წევრის პასუხისმგებლობაა და საჭიროებს ცენტრალური და ადგილობრივი ხელისუფლების
ძალისხმევის გაერთიანებას და კოორდინირებულ მუშაობას.
მოგახსნებეთ, რომ 25 ნოემბერს – ქალთა მიმართ ძალადობის აღმოფხვრის საერთაშორისო დღეს,
გენდერული ძალადობის წინააღმდეგ 16 დღიანი კამპანია იწყება და 10 დეკემბერს, ადამიანის
უფლებათა დაცვის საერთაშორისო დღეს სრულდება.
