უმრავლესობის დეპუტატების ნაწილი პარლამენტში უკვე მივიდა. “ქართული ოცნების” დეპუტატებს შორის იმყოფება ზუგდიდის მაჟორიტარი მერაბ ქვარაიაც.
პარლამენტის ყველა შესასვლელი დაკავებული აქვს საპატრულო პოლიციას. ისინი განლაგებული არიან როგორც ჩიტაძის, ასევე ჭიჭინაძის ქუჩაზე. სწორედ სამართალდამცავების კონტროლის მეშვეობით უწევთ დეპუტატებს პარლამენტში შესვლა.
აქციის მონაწილეებს, რომლებსაც პარლამენტის შესასვლელებთან მისვლა და პროტესტის გამოხატვა სურთ, ამის საშუალებას პოლიცია არ აძლევს. ჟურნალისტებს აღნიშნულ ქუჩებზე გადაადგილება საშვებით უწევთ იმისთვის, რომ პარლამენტის შენობასთან მისვლა შეძლონ. აღნიშნულ ტერიტორიაზე გადაადგილებას მხოლოდ პარლამენტში აკრედიტებული ჟურნალისტები ახერხებენ.
შეგახსენებთ, რომ პარლამენტში პლენარული სხდომა 12:00 საათზეა ჩანიშნული.