"დინამო არენაზე"გამართულ ვროპის სუპერთასის მატჩს სამთავრობო ლოჟიდან ადევნებდნენ თვალს უეფა-ს პრეზიდენტი მიშელ პლატინი, საქართველოს ფეხბურთის ფედერაციის პრეზიდენტი ზვიად სიჭინავა და პრემიერ-მინისტრი ირაკლი ღარიბაშვილი მთავრობის სხვა წევრებთან ერთად.
საქართველოს პრეზიდენტი გიორგი მარგველაშვილი მატჩს არ დასწრებია. კამერებმა საპატიო სტუმართა ლოჟაში, პრემიერის გვერდით, ცარიელი სკამი დააფიქსირეს, როგორც ვარაუდობენ, იგი საქართველოს პრეზიდენტისთვის იყო განკუთვნილი.
ფორმალურად სპორტთან დაკავშირებული, მაგრამ აშკარად არასპორტული ვნებები საქართველოს ხელისუფლებაში ახალგაზრდული ოლიმპიური ფესტივალის მსგავსად, სუპერთასის საფინალო მატჩის გარშემოც გაგრძელდა.