დღეს „ქართული ოცნების“ ოფისში ბიძინა ივანიშვილი იმ მაჟორიტარ დეპუტატებს შეხვდა, რომლებმაც პარლამენტში 14 ნოემბრის კენჭისყრაზე მხარი არ დაუჭირეს საარჩევნო სისტემის ცვლილებას.
შეხვედრიდან გამოსულმა ზუგდიდის მაჟორიტარმა დეპუტატმა მერაბ ქვარაიამ აღნიშნა, რომ ყველა იმ საკითხზე იმსჯელეს, რომელიც შექმნილ მდგომარეობასთან არის კავშირში და შეთანხმება შედგა, მაგრამ არ დააკონკრეტა სახელდობრ რაზე
„შეხვედრა შედგა პარტიის თავმჯდომარის ინიციატივით, პრინციპში გადაწყვეტილება მიღებულია. შეხვედრას ესწრებოდნენ მაჟორიტარი დეპუტატები, რომლებმაც მხარი არ დაუჭირეს პორპორციულ სისტემაზე გადასვლას.
მსჯელობა იყო ძალიან საინტერესო, დეტალური, შევეხეთ ყველა საკითხს, რომელიც შექმნილ მდგომარეობასთან არის კავშირში, შესაბამისად, მინდა გითხრათ, რომ არის ასეთი შეთანხმება, ხვალ უმრავლესობის სხდომის შემდეგ გაჟღერდება ეს ინიციატივა,“- განაცხადა მერაბ ქვარაიამ
ამრიგად, ის, თუ რაზე შეთანხმდნენ ბიძინა ივანიშვილი და მაჟორიტარი დეპუტატები, ჯერჯერობით არ საჯაროვდება. სავარაუდოდ ეს ცნობილი გახდება ხვალ, 25 ნოემბერს საპარლამენტო უმრავლესობის სხდომის შემდეგ, სხდომა „ქართული ოცნების“ ცენტრალურ ოფისში 10:00 საათზეა ჩანიშნული.