საქართველოში აცივდა და წვიმიანობაა – დღეს, 21 ნოემბერს დასავლეთ საქართველოს დაბლობში ჰაერის ტემპერატურა +11, +16 გრადუსია, ხოლო აღმოსავლეთ საქართველოს ბარში +3, +8 გრადუსი.

გარემოს ეროვნული სააგენტოს ინფორმაციით, დღეიდან ერთი კვირის განმავლობაში დასავლეთ საქართველოს ზოგიერთ და აღმოსავლეთ საქართველოს უმეტეს რაიონში მოსალოდნელია ნალექიანი ამინდი.

ზუგდიდში ხვალ, პარასკევს ჰაერის ტემპერატურა 7°   13° გრადუსამდე დაეცემა და იწვიმებს, შაბათ-კვირას მზე გამოანათებს, თუმცა დათბობა მოსალოდნელი არ არის – შაბათს 7°   15° გრადუსი იქნება, კვირას 5°   15°გრადუსი

ორშაბათს და სამშაბათს სინოპტიკოსები ცვალებად მოღრუბლულობას მოელიან, მზე იქნება, მაგრამ ძალადაკარგული და ჰაერის ტემპერატურა 7°   და 16° შორის იმერყევებს