ნეიროქირურგი გიორგი (გოგი) მაღალაშვილი თავს კარად გრძნობს, თუმცა ცნობილ ექიმს ძალადობის კვალი თვალის არეში აღენიშნება.
როგორც ირკვევა, მედიკოსს პაციენტის ახლობლები გაუსწორდნენ. კერძოდ, ქირურგის მას შემდეგ დაესხნენ თავს, რაც პაციენტს რომელსაც ნეიროქირურგმა ოპერაცია გაუკეთა, ნარკოზიდან გამოსვლა გაუჭირდა.
საავადმყოფოში პაციენტის ცოლი და ოჯახის ახლობლები შეიჭრნენ და მაღალაშვილი სცემეს.
აღსანიშნავია, რომ პაციენტი ნარკოზიდან მალევე გამოვიდა და ოპერაციამაც კარგად ჩაიარა.
მომხდარი ფაქტის შესახებ ინფორმაცია “ევროპული საქართელოს” წევრმა ზურაბ ჭიაბერაშვილმაც გაავრცელა.
,,გამწარებული ვარ. მთელი საზოგადოება ვაჟა გაფრინდაშვილის ბედზე წუხს და ამ დროს აგერ თბილისში, ცნობილ კლინიკაში დამსახურებულ ექიმს, ათასობით ადამიანის გადამრჩენს და განმკურნებელს ცემს ვიღაც ველური.დამნაშავე სამაგალითოდ უნდა დაისაჯოს!- აცხადებს ჭიაბერაშვილი.
შინაგან საქმეთა სამინისტრომ ცნობილი ექიმის ცემის ფაქტზე სისხლის სქამართლის საქმე უკვე აღძრა. გამოძიება 126-ე მუხლით დაიწყო, რაც ცემას ან სხვაგვარ ძალადობას გულისხმობს.