თბილისის საქალაქო სასამართლოში, პარლამენტთან აქციის დაშლისას დაკავებული 6 პირის სასამართლო პროცესი მიმდინარეობს. სხდომას მოსამართლე ვალერიან ფილიშვილი უძღვება.
დღევანდელ პროცესზე გიგა მაქარაშვილის, ირაკლი კაჭარავას, დიმიტრი ბიძინაშვილის, ირაკლი ნადირაძის, დავით მჟავანაძისა და პაატა სოსონაშვილის საქმე განიხილება.
პროცესზე დასწრების მსურველთა სიმრავლის გამო, მოსამართლეს დარბაზის შეცვლა დასჭირდა.
შეგახსენებთ, შსს-ს ინფორმაციით, ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) მუხლებით გათვალისწინებული სამართალდარღვევისთვის სულ დაკავებულია 37 პირი.