გუშინ მდინარე ენგურში 42 წლის მამაკაცი, წალენჯიხის მუნიციპალიტეტის სოფელ ჭალეს მცხოვრები რაჯი შონია დაიხრჩო. იგი, თვითმხილველების თქმით, მდინარეში საბანაოდ შესული დინებამ გაიტაცა. იქვე მყოფი მეგობრების, გამოძახებისთანავე ადგილზე მისული სამეგრელო-ზემო სვანეთის მხარის სამაშველო სამსახურის თანამშრომლებისა და სასწრაფო სამედიცინო დახმარების ბრიგადის მცდელობა გადაერჩინათ ახალგაზრდა, ამაო აღმოჩნდა.
რაჯი შონიას ცხედარი ქუთაისის ლევან სამხარაულის სახელობის სამედიცინო ექსპერტიზის ბიუროშია გადასვენებული.
გასულ კვირას ეს უკვე მეორე შემთხვევაა ზუგდიდისა და წალერნჯიხის არეალში. რამდენიმე დღის წინათ სოფელ ცაიშში მდინარე ჯუმში 25 წლის გიგა გახარია დაიხრჩო.