მინისტრთა კაბინეტში ცვლილებები საპარლამენტო არჩევნების მეორე ტურის დასრულების შემდეგ განხორციელდება. თუმცა მინისტრთა კაბინეტის ამჯერად მოქმედი წევრები ჯერჯერობით მხოლოდ ვარაუდების დონეზე ლაპარაკობენ მედიასთან იმაზე, თუ რა ტიპის საკადრო ცვლილებები შეიძლება განხორციელდეს მთავრობის შემადგენლობაში.
ჯანდაცვის მინისტრის დავით სერგეენკოს თქმით, პასუხი კითხვაზე კონკრეტულად რა პოზიციები შეიცვლება, ამ ეტაპზე არ აქვს. მთავრობაში ცვლილებების წარდგენის პრეროგატივა პრემიერმინისტრს ეკუთვნის.
სწორედ იგი ის საქართველოს მოსახლეობას წარუდგენს მინისტრთა კაბინეტის ახალ შემადგენლობას არჩევნების მეორე ტურის შემდეგ. – აცხადებს იგი.
განათლებისა და მეცნიერების მინისტრი ალექსანდრე ჯეჯელავა არ გამორიცხავს, რომ სამინისტროების რაოდენობა შემცირდეს.
" გადაწყვეტილებები კონკრეტული ცვლილებების შესახებ ჯერჯერობით მიღებული არ არის, თუმცა მე როგორც ვიცი, პრემიერი და მისი გუნდი მუშაობს ამ მიმართულებით. ასევე, საუბარიარის მთავრობის სტრუქტურის ოპტიმზაციის შესახებაც. ჩვენ უნდა შევეცადოთ, რომ ჩვენი გადამხდელების თანხები მაქსიმალურად ოპტიმალურად იქნას დახარჯული. ამიტომ ვფიქრობ, რომ თითოეულ უწყებაში შიგნითაც საჭიროა ამის მუდმივი გადახედვა, მათ შორის ჩვენთანაც, განათლების და მეცნიერების სფეროში და მთლიანად მთავრობის სტრუქტურაში", – განაცხადა ჯეჯელავამ.