არასამთავრობო ორგანიზაციის ,,საუნჯის’’ თავმჯდომარე იაგო ფასანძე  ცესკოს მიმართავს და მოითხოვს ბოდიში მოიხადოს  ორგანიზაციის მიერ დაწერილი საჩივრის  თვითნებური ინტერპრეტირებისათვის.

,, ჩვენი საჩივარი მხოლოდ ამომრჩევლისთვის თვალის ჩაკვრის გამო არ დაწერილა, როგორც ეს ცესკოს პრეს სამსახურის მიერ გავრცელებულ ინფორმაციაშია ნათქვამი,  მოვითხოვთ ცესკოსგან  დაეყრდნოს უშუალოდ ჩვენს მიერ შედგენილ საჩივარს  და მხოლოდ მასზე დაყრდნობით გაავრცელოს ინფორმაცია მისი შინაარსის შესახებ'' – აცხადებს იგი.

 საუბარია  ,,საუნჯის '',   „სამოქალაქო საზოგადოების განვითარების ცენტრის (CSDC)”, „ნაბიჯი სამოქალაქო ინტეგრაციისკენ” და „ჰელფინგ ჰენდი” -ს  საჩივარზე , რომელშიც დაფიქსირებულია ზუგდიდის ჯიხაშკარის  79-ე საარჩევნო უბანზე ხმის მიცემის ფარულობის დარღვევა. 

 ,,კაბინაში შესული ამომრჩეველი აკეთებდა არჩევანს, როდესაც კაბინაში ყურება დაიწყო სოციალურ-პოლიტიკური გაერთიანების ცენტრის დამკვირვებელმა გოჩა რაფავამ, რომელმაც დაინახა თურიომელი კანდიდატის ნომერი სემოხაზა ბიულეტენზე ამომრჩეველმა კანდიდატი და სხვა პირს ანიშნა , ,, ის შემოხაზა, რაც მე ვუთხარიო''. ამ შემთხვევაში რაფავას ქმედება შეიცავს ერთის მხრივ ხმის მიცემის ფარულობის დარღვევას, რაც სისხლის სამართლის კოდექსის 164-ე მუხლის გათვალისწინებით დანაშაულია, ხოლო მეორეს მხრივ შეიცავს ამომრჩევლის ნების თავისუფალ გამოხატვაზე ზეგავლენის ნიშნებს , რაც სისხლის სამართლის კოდექსის 162-ე მუხლით გათვალისწინებული დანაშაულია. 

მოვუწოდებთ ცესკო-ს პრესსამსახურს, კერძოდ ანა მიქელაძეს მოიხადოს ბოდიში და ,,საუნჯისა  ’’ და მისი პარტნიორების მიერ დაწერილი საჩივარი ინტერპრეტაციის გარეშე გააცნოს საზოგადოებას. – ამბობს იაგო ფასანძე.