ჯიხაშკარის 108-ე უბანზე პროცედურის დარღვევის ფაქტი დაფიქსირდა – კომისიის წევრმა, რომელიც ცესკოდან არის დანიშნული და დილით, ფუნქციების გადანაწილებისას ნაკადის მომწესრიგებლის პასუხისმგებლობა დაეკისრა, ხმის მიცემის ოთახში ისე შეუშვა ამომრჩეველი, რომ ულტრაიისფერი ფანრით არ შეუმოწმებია შესაძლო მარკირებაზე . ,,ნაციონალური მოძრაობის'' დამკვირვებელმა სალომე მაქაცარიამ გააპროტესტა ეს ფაქტი და საჩივარიც დაწერა. ეს პირველი საჩივარია ამ უბანზე. კომისიის წევრი დაეთანხმა პროტესტის საფუძვლიანობას და აღნიშნა, რომ მომხდარი ნამდვილად არის კანონდარღვევა, თუმცა ეს ყურადღების წამიერი მოდუნებით ახსნა და არა შეგნებული მოქმედებით.
საჩივარი საარჩევნო წიგნში გატარდა და დარღვევა დროულად აღმოიფხვრა