აგვისტოს ომის დაწყებიდან მეშვიდე წლისთავს მიეძღვნა აქცია – „ხსოვნის სანთლები“ , რომელიც ზუგდიდის ცენტრალურ პარკში, იუსტიციის სახლის მიმდებარე ტერიტორიაზე გაიმართა.
უამრავი დამთვალიერებელი ჰყავდა ფოტოხელოვანის ლევან გაბეჩავას ფოტომატიანეს, რომელიც აგვისტოს ომის დღეებშია გადაღებული, ნაჩვენები იქნა ომის ამსახველი დოკუმენტური ფილმიც.
უფრო ადრე ადგილობრივი ხელისუფლების წარმომადგენლები ომში დაღუპული კაპრალების დავით ჯიქიასა და ბადრი ბერანძის მშობლიურ სოფლებში რიყესა და ჭითაწყარში ჩავიდნენ, გვირგვინებით შეამკეს მათი საფლავები და მოინახულეს მათი ოჯახები.