შინაგან საქმეთა სამინისტროში აცხადებენ რომ – არჩევნების მეორე ტურზე 50 ოლქში პირველ ტურთან შედარებით, საარჩევნო უბნებთან გაცილებით მეტი პოლიციელი იქნება.
პოლიციელები ადგილზე ხმების დათვლის დროსაც დარჩებიან .
"განსაკუთრებული ყურადღება ხმების დათვლის პროცესს მიექცევა. პოლიცია დაიცავს საარჩევნო უბნების ტერიტორიას კენჭის ყრის დასრულების შემდეგ. უფრო მეტი პოლიციელი იქნება თვალსაჩინო,"- განაცხადა შინაგან საქმეთა მინისტრის მოადგილემ შალვა ხუციშვილმა. ეს განცხადება მან უწყებათაშორისი კომისიის სხდომის დასრულების შემდეგ გააკეთა. კომისიაზე არჩევნების დროს დაფიქსირებული რამდენიმე შემთხვევა განიხილეს.