ლუქსემბურგში ევროკავშირის წევრი ქვეყნების საგარეო საქმეთა მინისტრების შეხვედრა მიმდინარეობს. შეხვედრაზე რუსეთის წინააღმდეგ ახალი სანქციების დაწესების საკითხს იხილავენ.
გავრცელებული ცნობით, ლიდერები დაგმობენ სირიაში რუსეთის საჰაერო ოპერაციას და საბრძოლო მოქმედებების შეწყვეტას მოითხოვენ. საბოლოო დოკუმენტში კი ერთ-ერთი პუნქტი სირიისა და მისი მოკავშირეების საერთაშორისო სისხლის სამართლის სასამართლოს წინაშე წარდგომას შეეხება.
ალეპოში შექმნილი სიტუაციისა და ზოგადად სირიის კონფლიქტის დარეგულირება დამოკიდებულია ბაშარ ასადისა და მისი რეჟიმის მხარდამჭერი რუსეთის მთავრობის მომქედებაზე – განაცხადა დიდი ბრიტანეთის საგარეო საქმეთა მინისტრმა ბორის ჯონსონმა ლუქსემბურგის შეხვედრის დაწყებამდე რამდენიმე საათით ადრე – ჩვენ განვიხილავთ, როგორ გავაგრძელოთ ზეწოლა ასადის რეჟიმზე, რუსეთსა და ირანზე იმისათვის, რომ შეწყდეს დაბომბვები ალეპოში, რომელსაც ეწირებიან უდანაშაულო ბავშვები და ქალები.
მან აღნიშნა რომ ამაში მნიშვნელოვანი როლი ეკისრება ეკონომიკურ სანქციებს და დიპლომატიურ წნეხს. ,,მოვუწოდებ რუსეთის ხელისუფკებას კონფრონტაციის ნაცვლად დაადგეს კონფლიქტის მშვიდობიანი გადაწყვეტაზე მიმართულ გზას, რომელიც ჟენევის მოლაპარაკებებზე გადის '' – დასძინა ჯონსონმა.