ზუგდიდში, რუხი მოლის ტერიტორიაზე მეცნიერებისა და ინოვაციების ფესტივალი 2019 -ის დახურვის საზეიმო ცერემონიალი გაიმართა სამეცნიერო პიკნიკი, რომელსაც შოთა მესხიას ზუგდიდის სახელმწიფო უნივერსიტეტმა უმასპინძლა. პიკნიკზე სულ 18 პავილიონი იყო გახსნილი. ფესტივალის დასკვნით ღონისძიებაზე შოთა მესხიას ზუგდიდის სახელმწიფო უნივერსიტეტთან ერთად მონაწილეობდნენ ქვეყნის სხვადასხვა უმაღლესი სასწავლებლები და სამეცნიერო – კვლევითი ცენტრები.
უმაღლესმა სასწავლებლებმა სხვადასხვა პროექტები, ლაბორატორიული ცდები, სტუდენტების მიერ დამზადებული სხვადასხვა მოწყობილობები და ნაკეთობები წარმოადგინეს. გარდა ამისა, საქართველოს ხელნაწერთა ეროვნული ცენტრის ორგანიზებით, აფხაზეთის და სამაჩაბლოს ისტორიული მემკვიდრეობის ამსახველი ფოტო გამოფენა მოეწყო.პიკნიკზე წარმოდგენილ სამეცნიერო და ინოვაციურ პრეზენტაციებს საჯარო სკოლების მოსწავლეები, სტუდენტები, ფართო საზოგადოების წარმომადგენლები და ჩამოსული სტუმრები გაეცნენ. ხელი მოეწერა უნივერსიტეტებს შორის ურთიერთთანამშრომლობის მემორანდუმს, საზეიმოდ გაიჭრა ტორტიც. „მეცნიერებისა და ინოვაციების ფესტივალი – 2019-ის“ ფარგლებში საქართველოს მასშტაბით 300-ზე მეტი ღონისძიება ჩატარდა. მისი ორგანიზატორები საქართველოს განათლების, მეცნიერების, კულტურისა და სპორტის სამინისტრო და შოთა რუსთაველის საქართველოს ეროვნული სამეცნიერო ფონდი არიან.
ფესტივალის დახურვის ღონისძიება რუხის ციხეში ბენდის “New One” კონცერტით დასრულდა.