გარემოსდაცვითი ზედამხედველობის დეპარტამენტის ინფორმაციით, 24 აგვისტოდან 24 სექტემბრის ჩათვლით, უკანონო ნადირობის 386 ფაქტი გამოავლინეს.
უწყებაში ამბობენ, რომ უკანონო ნადირობის ყველაზე მეტი, 247 ფაქტი დაფიქსირდა დასავლეთის რეგიონული სამმართველოს სამოქმედო ტერიტორიაზე. რაც შეხება სხვა შემთხვევებს:
- კახეთი – 12
- ქვემო ქართლი – 4
- სამცხე-ჯავახეთი – 32
- სამეგრელო-ზემო სვანეთი – 49
- აჭარასა და გურია- 27
- აღმოსავლეთის რეგიონული სამმართველოს სამოქმედო ტერიტორია – 15
ამასთან, უწყებაში ამბობენ, რომ ხშირი იყო, აკრძალული საშუალებით, ე.წ. “მანოკით” ნადირობის ფაქტები, რომელიც ყველაზე მეტი – 215 ასევე დასავლეთის რეგიონული სამმართველოს სამოქმედო ტერიტორიაზე ამოიღეს.
- სამეგრელო-ზემო სვანეთში – 39
- აჭარასა და გურიაში – 25
- სამცხე-ჯავახეთში – 23
- აღმოსავლეთის რეგიონული სამმართველოს სამოქმედო ტერიტორიაზე – 7.
ჯამში, გარემოსდაცვითი ზედამხედველობის დეპარტამენტის თანამშრომლებმა 309 ხელნაკეთი მოწყობილობა ამოიღეს.
გარემოსდაცვითი ზედამხედველობის დეპარტამენტი მოქალაქეებს მოუწოდებს, კანონდარღვევის დაფიქსირების შემთხვევაში, მიმართონ გარემოს დაცვისა და სოფლის მეურნეობის სამინისტროს ცხელ ხაზს – 153, რათა დეპარტამენტის შესაბამისმა რეგიონულმა სამმართველომ მყისიერი რეაგირება მოახდინოს. უწყებაში აღნიშნავენ, რომ დარეკვა შესაძლებელია ინდექსის გარეშე, ზარი უფასოა და ანონიმურობა დაცული.
მათივე ინფორმაციით, გარემოსდაცვითი ზედამხედველობის დეპარტამენტის თანამშრომლები, ნადირობის სეზონის ფარგლებში, ნადირობის წესების დარღვევის გამოვლენისა და უკანონო ნადირობის აღკვეთის მიზნით, საქართველოს მასშტაბით 24-საათიან გაძლიერებულ კონტროლს ახორციელებენ.