“გავრილოვის ღამის” საქმეზე დაკავებული ლევან ჯიქური უმძიმეს მდგომარეობაშია. როგორც “ნიუპოსტს” 20 ივნისის აქციის საქმეზე დაკავებულის ადვოკატმა, ალექსანდრე ზუბიაშვილიმა განუცხადა, ჯიქურმა 30 კილოგრამი დაიკლო, პარალიზებული აქვს მარჯვენა კიდურები, სისხლში შაქრის შემადგენლობა ძალიან დაბალი აქვს და ეტლითაც კი ვერ ახერხებს გადაადგილებას.

ადვოკატის თქმით, ახალგაზრდა 30 დღეზე მეტია შიმშილობს.

“ციხის საავადმყოფოში, მეთვრამეტე დაწესებულებაშია მოთავსებული. 30 კილოგრამი დაიკლო, განახევრებულია კაცი. შაქარი აქვს დაწეული, წნევები აწუხებს. მარცხენა -ხელ-ფეხი აქვს პარალიზებული და პერსონალის დახმარების გარეშე ეტლითაც კი ვერ გადაადგილდება”- განაცხადა უფლებადამცველმა.

შეგახსენებთ, 20 ივნისის საქმეზე დაკავებული6 პირს – ზურაბ ბუდაღაშვილს, ცოტნე ცოტნიაშვილს, ბესიკ თამლიანს, ცოტნე სოსელიას, კახაბერ კუპრეიშვილს და ლევან ჯიქურს აღკვეთის ღონისძიების სახით პატიმრობა აქვთ შეფარდებული. რამდენიმე დღის წინ მოსამართლემ ლევან ჯიქურის დაცვის მხარის შუამდგომლობა აღმკვეთ ღონისძიებად 5.000 ლარის გირაოს შეფარდებაზე არ დააკმაყოფილა და ჯიქური პატიმრობაში დატოვა