ზუგდიდის დემოკრატიული ჩართულობის ცენტრში გამართულ შეხვედრაზე ადგილობრივი ხელისუფლების წარმომადგენლებმა განხორციელებულ და მომავალში დაგეგმილ ინფრასტრუქტურულ სამუშაოებზე ისაუბრეს. შეხვედრაზე ერთ-ერთ პრობლემად მოუწესრიგებელი გზები დასახელდა. ზუგდიდის მერმა განმარტა, რომ ცენტრალურ უბნებში ჯერ არ მომხდარა წყალანარების სამუშაოების დაწყება, აქედან გამომდინარე, ამ ადგილებში მალე ქუჩების გადათხრის სამუშაოები დაიწყება. რაც შეეხება ზუგდიდის მუნიციპალიტეტის ააიპ- ებში მიმდინარე რეორგანიზაციას, მისი თქმით, ეს პროცესი გაგრძელდება და დარჩებიან მხოლოდ ისეთი კადრები, რომლებიც პროფესიონალიზმით გამოირჩევიან. შეხვედრა სამოქალაქო მოძრაობის აქტივისტმა ნიკა ლაშხიამ შეაფასა, მან შეხვედრაზე რამდენიმე აქტუალურ საკითხზე გაამახვილა ყურადღება. კერძოდ, ქალაქში კინოთეატრის არ არსებობაზე, ასევე ქალაქის ცენტრალურ ქუჩებში ქარის დროს დეკორატიული ხეების ამოიძირკვაზე. ზუგდიდის მერმა ასევე დასძინა, რომ მეორე საჯარო სკოლის გვერდით, მეოთხე საბავშვო ბაღის ყოფილ ტერიტორიაზე ქვეყნის პირველი პრეზიდენტის, ზვიად გამსახურდიას სახელობის ბიბლიოთეკა მოეწყობა. შენობაში ამ დრომდე რამდენიმე დევნილი ოჯახი ცხოვრობს და ისინი სხვა ტერიტორიაზე იქნებიან ბინით უზრუნველყოფილი. მერმა ზუგდიდის ბოტანიკური ბაღის გახსნაზეც ისაუბრა. სამუშაოები ოქტომბრის ბოლოს დასრულდება და ბოტანიკური ბაღის საზეიმო გახსნა ნოემბრის დასაწყისისთვის იგეგმება. მისი განმარტებით, „ბოტანიკური ბაღი იქნება იმაზე მეტად ლამაზი, ვიდრე იყო ის ისტორიულად“,