არ ვაპირებ შევხვდე სალომე ზურაბიშვილს , არც იმ შემთხვევაში, თუ თავად დააპირებს, – განუცხადა მედიას ისტორიკოსმა გიორგი ოთხმეზურმა რითაც პრეზიდენტის მიერ მისი შვილის, დავით ოთხმეზურის მკვლელობაში მსჯავრდებულის შეწყალების საკითხზე კომენტარი გააკეთა.
როგორც ოთხმეზური ამბობს, პრეზიდენტის ადმინისტრაციიდან დაუკავშირდნენ და გადასცეს სალომე ზურაბიშვილის წუხილი იმის შესახებ, რომ „არ იცოდა, ვინ იყო დაზარალებული“. უფრო მეტიც, ზურაბიშვილმა მასთან შეხვედრა ითხოვა.
“იყო ასე… მე და სალომე ზურაბიშვილი არ შევხვდებით, ამის საჭიროებას არ ვხედავ. არ ვაპირებ მასთან შეხვედრას”- განაცხადა ოთხმეზურმა.
,გიორგი ოთხმეზურის განმარტებით, სალომე ზურაბიშვილის გადაწყვეტილების მიზეზთან დაკავშირებით „ათობით ვერსია“ შეიძლება არსებობდეს. ,,რა მოხდა ამაზე ათობით ვერსიაა, თუმცა მე დავდგე და ვიმარჩიელო?!“, – განაცხადა მან.
შეგახსენებთ, რომ პრეზიდენტის მიერ მარიამობის დღესასწაულზე შეწყალებულ პირებს შორის ერთ-ერთი 18 წლის დავით ოთხმეზურის მკვლელობაში მსჯავრდებულია.