გარემოს ეროვნული სააგენტოს ინფორმაციით, 23-25 სექტემბერს საქართველოში უმეტესად უნალექო ამინდი იქნება, ხოლო 26-27 სექტემბერს ცალკეულ რაიონში მოსალოდნელია ხანმოკლე წვიმა და ელჭექი.

ჰაერის ტემპერატურა დაბლობსა და ბარში +24, +29 გრადუსის ფარგლებში დაფიქსირდება.

ზუგდიდში დღეს მზიანი ამინდია, ხვალ, 24 სექტემბერს და ზეგ, 25 სექტემბერს მოსალოდნელია ცვალებადი მოღრუბლულობა, ხუთშაბათს იწვიმებს, მაგრამ პარასკევს, 27 სექტემბერს ისევ მზე გამოანათებს და დათბება.

მათივე ცნობით, ქ. თბილისში უნალექო ამინდი შენარჩუნდება. ჰაერის ტემპერატურა +25, +27 გრადუსი იქნება.