ნორვეგიის ჰელსინკის კომიტეტი დამკვირვებლებზე განხორციელებული თავდასხმის უსწრაფესად გამოძიებას, დამნაშავეების დადგენასა და წართმეული ვიდეო მასალის დაბრუნებას მოითხოვს – განცხადება ამის შესახებ ორგანიზაცია საკუთარ ვებ გვერდზე ავრცელებს .
საუბარია საერთაშორისო დამკვირვებლებზე თავდასხმის ფაქტზე, რომელსაც არჩევნების დღეს ზუგდიდის მუნიცპალიტეტში, სოფელ ჯიხაშკარში 79-ე საარჩევნო უბანზე უბანზე ჰქონდა ადგილი.
განცხადების თანახმად, უბანზე ძალის გამოყენებით შეჭრის შემდეგ უცნობი პირები თავს დაესხნენ განცხადების ნორვეგიის ჰელსინკის კომიტეტის, საერთაშორისო პარტნიორობა ადამიანის უფლებებისთვის და დემოკრატიული არჩევნების ევროპული პლატფორმის დამკვირვებლებს
რომლებიც ინციდენტს იღებდნენ და ტელეფონები წაართვეს მათ. ინციდენტის შედეგად ერთ დამკვირვებელს აღენიშნება დალურჯებები თავზე. აქვე აღნიშნულია, რომ პოლიცია საარჩევნო უბანთან იმყოფებოდა, თუმცა არ ჩარეულა.
სადამკვირვებლო მისია შეახსენებს საქართველოს მთავრობას, რომ საერთაშორისო დამკვირვებლები დაცული არიან საქართველოს საარჩევნო კოდექსითა და ეუთოს კოპენჰაგენის დოკუმენტით.