ზუგდიდის მუნიციპალტეტის მერის ინიციატივით, ყოველი შაბათის ინტელექტის დღედ გამოცხადების შესახებ ზუგდიდის მერიამ ინფორმაცია ფეისბუქის ოფიციალურ გვერდზე გუშინ გაავრცელა. აღნიშნულს საზოგადოების დიდი ნაწილის მხრიდან არაერთგვაროვანი რეაქცია და კრიტიკა მოყვა. მერიაში განმარტავენ, რომ შემოსული ინიციატივების შესაბამისად ზუგდიდის მერიამ ყოველი კვირის პარასკევის, შაბათის და კვირის დატვირთვა სხვადასხვა კულტურული და ინტელექტუალური ღონისძიებით გადაწყვიტა. უწყებაში განმარტეს, რომ მოხდა ინფორმაციის არასწორი ინტერპრეტაცია, რასაც მოგვიანებით ქალაქის მერიც გამოეხმაურა. გიორგი შენგელიამ განმარტება ღონისძიების მსვლელობისას გააკეთა.
პირველი თამაში დადიანების ეზოში დღეს გაიმართა.