,,ბოლო სამი წლის მანძილზე ჩემს დანიშვნამდე გალის რაიონში 24 ადამიანის გატაცება მოხდა – განაცხადა გალის ადმინისტრაციის ხელმძღვანელმა თემურ ნადარაიამ გუშინ გამართულ შეხვედრაზე გალის მოსახლეობასთან – გამტაცებლებმა მათი განთავისუფლების სანაცვლოდ ჯამში 4 მილიონი რუბლი გამოსძალეს მათ ახლობლებს.
მისი თქმით, იმ რვა თვის მანძილზე, რაც იგი რაიონის ხელმძღვანელობაში მოვიდა, ,,გატაცების ერთ მცდელობასაც არ ჩაუვლია გამტაცებელთა ჯგუფის ლიკვიდაციის გარეშე, მაგრამ, სამწუხაროდ, ყველა ასეთი ჯგუფი ჯერაც არ არის გაუვნებელყოფილი და არ არის გამორიცხული ძველი პრაქტიკის გაგრძელებას შეეცადონ. მხოლოდ მილიციის ძალებით სიტუაციას გალის რაიონში ვერ გამოვასწორებთ, ყველანი ფხიზლად უნდა ვიყოთ.“
ნადარაიამ გამოთქვა ვარაუდი, რომ თხილის მოსავლის აღების სეზონის ძალაში შესვლასთან ერთად დანაშაულებრივი სამყარო კვლავ შეიძლება გააქტიურდეს: ბანდდაჯგუფებებს გათვლილი აქვთ, რომ თხილის აღებასთან ერთად მოსახლეობას გაუჩნდება ფული, ამიტომ ყურადღებიდან არ უნდა გამოგვეპაროს უცნობი პირების გამოჩენა სოფლებში,
ადრე გალის რაიონის ადმინისტრაციის ხელმძღვანელი აცხადებდა, რომ უსაფრთხოების უზრუნველყოფის მიზნით გალის რაიონში სისტემატურად მუშაობს საპატრულო სამსახური, შიმნაგან საქმეთა სამინისტროს სხვა ქვედანაყოფები, მაგრამ , კრიმინოგენული სიტუაციის სტაბილიზაცია ძალოვანი სტრუქტურების შეწყობილ მუშაობასთან ერთად ეკონომიკის გაძლიერებასაც მოითხოვს