წუხელ პოლიციაში დაკითხვაზე მყოფი „ნაციონალური მოძრაობის“ დიდინეძის საარჩევნო შტაბის ხელმძღვანელი პაპუნა კუკავა და მანუჩარ ქირია სახალხო დამცველის სამეგრელო-ზემო სვანეთის სამმართველოს უფროსმა მოინახულა. ლევან პაპავას თქმით, მათ გარეგნულად ფიზიკური დაზიანების კვალი არ აღენიშნებოდათ და არც პოლიციის მხრიდან ზეწოლაზე უსაუბრიათ. მათი ადვოკატის, ბაჩუკი ყურაშვილის განმარტებით, დაახლოებით ღამის 2 საათამდე ვერ გაარკვიეს, სად იმყოფებოდნენ დაკავებულები, მათი ადგილსამყოფელის გარკვევა ადვოკატის თქმით, მხოლოდ სახალხო დამცველის წარმომადგენლის ჩარევის შემდეგ გახდა შესაძლებელი.
ინციდენტი დიდინეძში წუხელ მოხდა. გავრცელებული ინფორმაციით ერთმანეთს „ნაციონალური მოძრაობისა“ და „ქართული ოცნების“ შტაბის წევრები და მხარდამჭერები დაუპირისპირდნენ. მორიგე ექიმის განმარტებით, რეფერალურ საავადმყოფოში მოთავსებული 3 პირიდან ორს თვინიშ შერყევა აქვს. შსს -ს ინფორმაციით, მოხდრარზე დაწყებულია გამოძიება სისხლის სამართლის კოდექსის 125-ე მუხლით, რაც ცემას ითვალისწინებს.