ანაკლიის პორტის პროექტში აშშ – ის ინვესტიციის მნიშვნელობაზე გაამახვილა ყურადღება აშშ-ს ელჩის მოვალეობის შემსრულებელმა ელიზაბეთ რუდმა. მან ეს შეფასება კონსორციუმიდან ამერიკული კომპანია “კონტი ჯგუფის” გასვლასთან დაკავშირებით დასმული შეკითხვის პასუხად გააკეთა.
“ამ საკითხებზე და მეწილეებზე ანაკლიის კონსორციუმს უნდა ჰკითხოთ. რაც შეეხება სხვა მხრივ აშშ ძლიერად უჭერს მხარს ანაკლიის პორტის პროექტს მისი მნიშვნელობიდან გამომდინარე საქართველოს ეკონომიკური განვითარებისთვის და მომავალი კეთილდღეობისთვის. შესაბამისად, მნიშვნელოვანია ამერიკული ინვესტიცია ამ პროექტში, რაც კიდევ უფრო ხელს შეუწყობს საქართველოსა და ამერიკის პარტნიორობას,”- განაცხადა ელიზაბეთ რუდმა.
როგორც ცნობილი გახდა, ამერიკულმა “კონტი ჯგუფმა” ანაკლიის კონსორციუმი 15 აგვისტოს დატოვა.