ამერიკელ დანტისტს უოლტერ პალმერს ძვირად დაუჯდა ზიმბაბვეში ყველაზე პოპულარული ლომის სესილის მოკვლა.
იგულისხმება არა ის 54 ათასი აშშ დოლარი, რომელიც ლომზე ნადირობის იშტაზე მოსულმა მისთვის უკანონო საფარის ორგანიზატორებს გადაუხადა, არამედ 10 წლით თავისუფლების აღკვეთა, რომელიც მას ამისათვის ემუქრება.
პალმერი სპეციალურად სესილიზე სანადიროდ ჩავიდა ამერიკიდან ზიმბაბვეში და მიაღწია კიდეც საწადელს. ლომი ეროვნული პარკის ტერიტორიიდან გაიტყუეს და მის ფარგლებს გარეთ ემსხვერპლა არბალეტიდან გასროლებს. ლომი უცებ არ მომკვდარა, იგი მძიმედ დაიჭრა, თუმცა პალმერის ფულს დახარბებული ადამიანები მთელი 40 წუთი მისდევდნენ ზიმბაბველთა საყვარელ არსებას, სანამ იგი სისხლისგან დაცლილი და ქანცმილეული წაიქცეოდა.
პალმერს მკაცრი სასამართლო ელის.
არ შეიძლება აქ ქართველების საყვარელი შუმბა და მისი აღსასრული არ გაგახსენდეს.