დღეს ლარმა ანტირეკორდი მოხსნა, თიბისი და საქართველოს ბანკში ერთი დოლარის ფასი 2, 99 თეთრით განისაზღვრა. სავალუტო ჯიხურებში კი დოლარის ფასი 2,93 95 თეთრამდე მერყეობს. ექსპერტების პროგნოზით ფასების ზრდა პირველ რიგში ბენზინზე, მედიკამენტებზე და პირველადი მოხმარების პროდუქტებზე აისახება. ჩვენი გადამღები ჯგუფი დაინტერესდა რამდენით არის გაზრდილი ფასები საწვავზე. მანქანის მძღოლების თქმით, ბოლო ერთი კვირის განმავლობაში საწვავზე ფასმა 6 თეთრიდან 12 თეთრამდე გაიზარდა. ზუგდიდის ცენტრალურ ბაზარში გამყიდველები უკმაყოფილებას გამოთქვამენ და ამბობენ, რომ მყიდველები ნაკლებად ყავთ, რის გამოც ბანკებში სესხის გადახდას ვერ ახერხებენ და პროდუქცებიც უფუჭდებათ. სააფთიაქო ქსელებში მედიკამენტებზე ფასები საგრძნობლად გაზრდილია. მოსახლეობის თქმით, იმ მედიკამენტების ფასები რისი ყიდვაც ყველაზე ხშირად უწევთ, ფასები ორმაგად გაზრდილია. ექსპერტების შეფასებით ლარის გაუფასურება ხელისუფლების არასწორი ეკონომიკური გათვლებისა და პოლიტიკის შედეგია.