დღეს ქიბარ ხალვაშის ადვოკატი პროკურატურაში ოქრუაშვილის წინააღმდეგ განცხადებას შეიტანს. განცხადებას უწყებაში ადვოკატი ნინო ბარაჩაშვილი ჩააბარებს. – ნათქვამია რუსთავი 2-ის მიერ თავის წყაროებზე დაყრდნობით გავრცელებულ ინფორმაციაში.
შეგახსენებთ, რომ “რუსთავი 2”-ის საქმეზე სტრასბურგის სასამართლოს მიერ გადაწყვეტილების გამოცხადებიდან მეორე დღეს, 19 ივლისს, თბილისის საქალო სასამართლოში “რუსთავი 2”-ის ახალი მფლობელის წინააღმდეგ თავდაცვის ყოფილი მინისტრის სახელით სარჩელი შევიდა. ირაკლი ოქრუაშვილი ამტკიცებს, რომ ტელეკომპანია მისი საკუთრებაა.
ოქრუაშვილის უფლებადამცველის განცხადებით, ჯერ კიდევ 2016 წელს მედიასივრცეში გამოჩნდა 2010 წელს ბერლინში გაფორმებული დოკუმენტი, რომლის საფუძველზეც ქიბარ ხალვაში თავდაცვის ყოფილი მინისტრის, ტელეკომპანიაზე საკუთრების უფლების მქონე ნომინირებული პირი იყო და თუ ხალვაში შეთანხმებას დაარღვევდა მან ოქრუაშვილს 7 მილიონი დოლარი პროცენტებთან ერთად უნდა გადაუხადოს. სარჩელი ოქრუაშვილის ადვოკატმა შეიტანა.