აშშ-ში, კალიფორნიის შტატში, იქ, სადაც ადრე საქართველოს სახელით არც ერთი მომღერალი არ გამოსულა, ზუგდიდელი თამუნა ლილუაშვილი დიდ სცენაზე დგას. მსოფლიო ვარსკვლავების სცენა ზუგდიდელმა  მომღერალმა  ქორეოგრაფიულ ანსამბლ „სამელებთან“ ერთად დაიპყრო.  World Championships of Performing Arts – WCOPA საერთაშორისო მუსიკის ფესტივალს მასპინძლობს. ნაციონალური ჩვენების შედეგად საქართველო  საუკეთესო სამეულშია და ნახევარფინალში მონაწილეობს. „66 ქვეყანას შორის თამუნა ლილუაშვილი ნახევარფინალშია…გილოცავთ საქართველო,გილოცავთ ზუგდიდი…მადლობა art-fest Georgia-ს და მის დირექტორს ქალბატონ ნინო გელაშვილს, რომლის რეკომენდაციით მოგვეცა საშუალება მიგვეღო მონაწილეობა ამ პროექტში“-ამბობს სტუდია „რიბი-რაბოს“ ხელმძღვანელი და თამუნას პედაგოგი ნინო მამფორია, რომელიც ფესტივალზე ახლავს მომღერალს. თამუნა ლილუაშვილი მოსწავლე-ახალგაზრდობის სასახლის სტუდია „რიბირაბოს“ ანსამბლ ,,გინცის”სოლისტია. მან მოახერხა და ჰოლივუდის დიდ სცენაზე, სადაც უძლიერესი კონკურსის პირობებში სხვადასხვა ქვეყნის წარმომადგენლები  საკუთარ ნიწსა და გენიალურობაში ეჯიბრებიან ერთმანეთს, ჟიურის მოწონება დაიმსახურა და ნახევარფინალისტი გახდა. თამუნა ლილუაშვილი ქართული მუსიკალური პროექტების მონაწილე კონკურსანტია, ის მონაწილეობდა „x- ფაქტორში“, თამუნა ლილუაშვილმა გასულ წელს  აშშ-ში საერთაშორისო კონკურს-ფესტივალში – Golden Dream გაიმარჯვა და გრან-პრის მფლობელი გახდა.