ფოთში, საკრებულოს რიგგარეშე სხდომაზე ,,ნაციონალური მოძრაობის წევრი” დარეჯან ცხვიტარია შს მინისტრის თვალახვეული პლაკატით მივიდა, რომელზეც ეწერა ,,გახარია წადი”. მომხდარ ფაქტს ხმაური და დაპირისპირება მოჰყვა სხდომაზე. საკრებულოს წევრმა, 20 ივნისის ღამე გაიხსენა და განაცხადა, რომ საპროტესტო აქციის დარბევა ანტისახელმწიფოებრივი ქმედება იყო. ,,თქვენ ხართ რუსეთის მონები და ამისათვის პასუხს მოგთხოვთ შთამომავლობა. გახარიამ უნდა დატოვოს თანამდებობა. მას ამ ქმედებას საქართველო არ აპატიებს.”- განაცხადა დარეჯან ცხვიტარიამ. ცხვიტარიას საკრებულოს თავმჯდომარე ირაკლი კაკულიამ და ,,ქართული ოცნების” წევრებმა სიმშვიდისკენ მოუწოდეს, ნაწილმა კი მის მიერ სხდომის დატოვება მოითხოვა. როგორც ცხვიტარია ამბობს , იგი მთელი სხდომის განმავლობაში ტრანსფარანტით ხელში, ფეხზე იდგება და პროტესტს სწორედ ამ ფორმით გამოხატავს.