იუნესკომ მსოფლიო კულტურულ მემკვიდრეობად ახალი ადგილები აღიარა, მათ შორის ანტიკური ქალაქი ბაბილონი.
ერაყი 4 ათასი წლის ნანგრევების კულტურულ მემკვიდრეობად გამოცხადებას 1983 წლიდან ლობირებდა. ქვეყნის დელეგაციამ გაეროს კომიტეტის გადაწყვეტილება ბაბილონის მნიშვნელობისა და მესოპოტამიის ცივილიზაციის აღიარებად შეაფასა.
ბაბილონი 4000 წლის წინ დაარსებული ქალაქია. იგი ცნობილია დაკიდული ბაღებით, რომელიც ერთ-ერთი იყო მსოფლიოს შვიდ საოცრებათაგან.
ბაბილონის ტერიტორია ბოლო ათწლეულების განმავლობაში მცირედით დაზიანდა. ამის მიზეზი თავდაპირველად ერაყის ყოფილი პრეზიდენტის სადამ ჰუსეინის სასახლის მშენებლობა და მოგვიანებით ამ ტერიტორიის ამერიკული ბაზისთვის გამოყენება გახდა.
ბაბილონის გარდა, მსოფლიო კულტურული მემკვიდრეობის სტატუსი კიდევ 5 ადგილს მიანიჭეს. მათ შორის ბრაზილიის სანაპირო ქალაქ პარატის ისტორიული ცენტრი, საფრანგეთის სამხრეთი და ანტარქტიდული ტერიტორიები და ისლანდიის ერთ-ერთი ეროვნული პარკი.