ზუგდიდის ბიუჯეტის 3 მილიონი ლარით გაზრდის შესახებ ინფორმაცია საკრებულოს დღევანდელ სხდომაზე გახდა ცნობილი.როგორც საკრებულოს თავმჯდომარემ აღნიშნა, თანხა ადგილობრივი და ქონებრივი გადასახადებიდან შემოვიდა.
„ეს არის 6 თვის მონაცემები. რაც შეეხება ადგილობრივ მოსაკრებლებს ბუნებრივი რესურსებიდან, ასევე კორპორაცია და ქონებრივი გადასახადიდან. თანხა ასევე შემოვიდა არაფინანსური აქტივიდან. შესაბამისად ბიუჯეტი განისაზღვრა 65 მილიონ 533 ათას ლარით. ეს თანხები გადანაწილდა სოცილურ და ჯანდაცვის საკითხებზე. ასევე გადანაწილდა ჩვენს მიერ დაფუძნებული კერძო სამართლის იურიდიული პირების და სუბსიდირების ზრდაზე. გარდა ამისა, გადანაწილდა წინა წელს წარმოშობილი ვალდებულების დაფინასების მიმართულებით. ჩვენ ძალიან მოხარული ვართ, რომ კარგი მუშაობის შედეგად ნახევარი წლის მონაცემებით გადაჭარბებით ხდება გარკვეული პარამეტრების შესრულება“,- განაცხადა წოწერიამ.