ცხინვალის მარიონეტული რეჟიმის ე.წ. უშიშროების კომიტეტის პრესსამსახური, 10-11 სექტემბრის პერიოდში, ოპერატიულ-სამძებრო ღონისძიებების შედეგად, ე.წ. საზღვრის დარღვევის ბრალდებით, საქართველოს ოთხი მოქალაქის დაკავების შესახებ იუწყება. ინფორმაციას სააგენტო „რესი“ ავრცელებს. დაკავებულები არიან 1955 წელს დაბადებული, სოფელ კოშკას მკვიდრი ხიზანიშვილი ვ.გ., გორის რაიონის მკვიდრი, 1965 წელს დაბადებული ლაცაბიძე ხ.ს, ქალაქ ხაშურის მკვიდრი,1978 წელს დაბადებული მეხრიშვილი ვ.თ., 1978 წელს დაბადებული მეზურნიშვილი კ.გ. ხაშურის რაიონის სოფელ ვაკას მკვიდრი.პრესსამსახურის ინფორმაციით, ამ დროისთვის დაკავებულების საქმეების სასამართლოსთვის გადაცემის საკითხი განიხილება.