ნანა ახვლედიანი ზუგდიდის რაიონის სოფელ დარჩელის მკვიდრია. შუახნის ქალბატონი ამბობს, რომ ისტორიის ახალი ფურცელი გადაიშალა და სულ სხვა თაობა წამოვიდა – ახალი ქართველები. “მე რასაც ვუყურებ, ეს არის ქართველობა 21-ე საუკუნეში. ის, რაც ვერ შეძლო ჩემმა თაობამ, შეძლეს მათ, ჩემმა ახალმა ქართველებმა. შეუძლებელია გულგრილად შეხედო მათ შემართებას, ენთუზიაზმს და გაუტეხლობას…ლექსი არასდროს დამიწერია და ახლა დავწერე, ვუძღვნი თითოეულ ახალგაზრდას, ვინც რუსთაველზე თავისუფლებისთვის იბრძვის…”- აცხადებს ნანა ახვლედიანი.

ახალ ქართველებს

“მტკიცედ დგომით და ერთობით, ძმობით

გვჯერა ღვთის მადლი გადმოვა ჩვენზე

სიყვარულით და ერთსულოვნებით

ჩვენ გავიმარჯვებთ ყოველთვის მტერზე”

ნანა ამბობს, რომ ლექსს ახალგაზრდებს ჩუქნის და სურვილი აქვს, ტექსტი მუსიკას დაერთოს და აქციაზე შესრულდეს. “მეც ჩავერთვები, თუ ვინმე გამოჩნდა და მუსიკას დაწერს ამ ტექსტზე, ნომერსაც დავუტოვებ 592 10 92 36” – ამბობს ნანა ახვლედიანი.

“ეს ერთად დგომა ქართველებს

უდიდეს მიზანს გვისახავს

დემოკრატიის შუქურას

ახალგაზრდობა ინახავს”

….

“ეს ჩვენი დროის გმირები

გაუტეხელი თაობა

ხედავთ? რა დიდი აღმოჩნდა

ჩვენი და მათი სხვაობა”

და ბოლოს აქციებში მონაწილე პატარა ქართველებს:

“ნორჩ ქართველებო ქართლისა,

მიბაძეთ ახალ თაობას,

ამართლეთ ერის ნათქვამი-

შვილობა სჯობდეს მამობას”