საქართველოს დელეგაციამ პროტესტის ნიშნად ევროსაბჭოს საპარლამენტო ასამბლეის სესია მას შემდეგ დატოვა, რაც რუსეთს სრულად აღუდგინეს უფლებამოსილება. სესია პირველმა დატოვა უკრაინის დელეგაციამ და მასთან ერთად საქართველოს, ესტონეთის, ლატვიის, ლიეტუვის, პოლონეთისა და სლოვაკეთის დელეგაციებმა.
უკრაინის დელეგაციის ხელმძღვანელმა ვლადიმირ არიევმა 7 ქვეყნის სახელით განაცხადა, რომ ისინი ბრუნდებიან სახლში, რათ კონსულტაციები გამართონ პარლამენტთან და მთავრობასთან, ასამბლეის შემდეგ სესიებზე „ერთობლივი მოქმედებების შემუშავებისთვის“.
რუსეთს ევროსაბჭოში უფლებამოსილება 2014 წლის შემდეგ ჰქონდა შეჩერებული ყირიმის ანექსიის გამო. აღნიშნულ ინფორმაციას „რია ნოვისტი“ ავრცელებს.