ბიძინა ივანიშვილი ნაციონალური მოძრაობის მიერ შეცდომების აღიარების შეფასებასთან კონტექსტში შეეხო ნაციონალური მოძრაობის კანდიდატის სანდრა რულოვსის ერთერთ მნიშვნელოვან გზავნილს და ეჭვი შეიტანა მის გულწრფელობაში, კერძოდ, განაცხადა რომ ”ნაციონალური მოძრაობის” ბოდიშს ყოფილი ხელისუფლების დროს განხორციელებულ გადაცდომებზე მხოლოდ გარკვეულ შემთხვევაში დაიჯერებს.
,, სანდრა რულოვსი ზოგადად ამბობს, რომ ჩახედა მეუღლეს თვალებში და ამოიკითხა, რომ შეცდომებს აღარ გაიმეორებს – ვერ ვნახე მათი გულწრფელი მონანიება. მე არ მომისმენია, მათ შორის არც სანდრა რულოვსისგან, რომ ისინი აღიარებენ ამ ტიპის დანაშაულებებს. ზოგადად ამბობს, რომ ჩახედა თავის მეუღლეს თვალებში და ამოიკითხა, რომ შეცდომებს აღარ გაიმეორებს. რომელ შეცდომებზეა საუბარი, ახალგაზრდა ბიჭები, რომ ჩახოცეს? პატიმრებს, რომ აწამებდნენ? მთელი ბიზნესი, რომ მართული იყო? ჯერ უნდა აღიარო დანაშაული, მერე უნდა თქვა, რომ აღარ გააკეთებ იგივეს. ჯერ მე არ მომისმენია მათგან ასეთი რამ. ახალაიას და მერაბიშვილს ჯერ კიდევ პოლიტპატიმრებად აცხადებენ და ესენი მოინანიებენ? გამოვიდეს ქალბატონი სანდრა მათ პოლიტპატიმრებად მიიჩნევს თუ დამნაშავეებად? მის განცხადებას თუ გავიხსენებთ, ლამის იდეოლოგიაში ჩასვეს, რომ მიშა ისეთი კაცია შეიძლება გეშინოდესო. შიშზე უნდა იყოს აგებული მართვა? ხალხს კი არ უნდა ეშინოდეს ხელისუფლების, ხელისუფლებას უნდა ეშინოდეს ხალხის. გამოვიდნენ და თქვან, რომ მერაბიშვილი და ახალაია სამართლიანად ზიან ციხეში, 26 მაისის და 7 ნოემბრის მოვლენები ასეთი არ უნდა ყოფილიყო, ბიზნესი იმართებოდა. აღიარონ და მერე დავიჯერებ”, – აღნიშნა მან.