გაერთიანებული ოპოზიცია “ძალა ერთობაშიას” ერთ-ერთი ლიდერი, გრიგოლ ვაშაძე პარლამენტში განვითარებულ მოვლენებს სპეციალური განცხადებით გამოეხმაურა.
„დღეს სახალხო პროტესტის მეექვსე დღე არის და ყველა საღად მოაზროვნე ადამიანს იმედი გვქონდა, რომ პარლამენტის პირველივე სხდომაზე იმ საკითხების განხილვა დაიწყება, რაც საქართველოს მოქალაქეს ასე მტკივნეულად აღელვებს. ამის მაგივრად ვნახეთ ჯერ ძალადობრივი, უნიჭოდ დადგმული პროვოკაცია, შემდეგ ასევე უნიჭოდ დადგმული ზეიმი, რომელსაც იმასთან რაც დღეს საქართველოში ხდება არავითარი კავშირი არ ჰქონდა. ყველაზე სავალალო არის ის რომ ძალადობა დღეს პარლამენტში, რომლის მიზანიც ოპოზიციონერი დეპუტატები იყვნენ, სინამდვილეში განხორციელდა საქართველოს მოქალაქეზე.
რაც გინდათ დაარქვით ამას, გინდა მოთხოვნა დაარქვით, გინდა რჩევა, გინდა თხოვნა, არც ერთის არ შეგვეშინდება, რაც შეიძლება სწრაფად შეასრულეთ ხალხის მოთხოვნა და ამის შემდეგ რაც შეიძლება სწრაფად გადავიდეთ პოლიტიკურ დიალოგზე. თუ არ გინდათ, რომ თქვენს გაჯიქებას და გახარიას და სხვა დამნაშავეების გადარჩენის მცდელობას გადააყოლოთ სახელმწიფო და სამოქალაქო მშვიდობა. ჩვენ არც რევანში და არც არეულობა არ გვჭირდება, ყოველი წუთი ვიყვით და ვართ მზად დიალოგისთვის. სხვათა შორის დიალოგისთვის მზად ვიყავით იმ ღამესაც, როდესაც გაზი შემოგვასხით სახეში. ამიტომ რაც შეიძლება სწრაფად პარლამენტი უნდა გადაიქცეს იმად, რის გამოც არის ეს ორგანო შექმნილი, იქ უნდა იყოს განხილული ის სისტემური კრიზისი და საჭირბოროტო საკითხები, რომლებიც დღეს აღელვებს საქართველოს მოქალაქეებს“, -განაცხადა ვაშაძემ.