საქართველოს მასშტაბით დღეს ერთიანი ეროვნული გამოცდები ზოგად უნარებში დაიწყო. აბიტურიენტთა რეგისტრაცია დილის 8 საათზე დაიწყო, ხოლო უშუალოდ საგამოცდო პროცესი 9 საათიდან დაიწყო. ზუგდიდის მერაბ კოსტავას სახელობის #2 საჯარო სკოლაში განთავსებულ საგამოცდო ცენტრს დღეს საქართველოს განათლებისა და მეცნიერების მინისტრი თამარ სანიკიძე ესტუმრა. მინისტრი უშუალოდ ადგილზე გაეცნო გამოცდების მიმდინარეობის პროცესს. თამარ სანიკიძე ასევე გამოცდებიდან გამოსულ აბიტურიენტებსაც გაესაუბრა .მინისტრის განცხადებით, აფხაზეთის ოკუპირებული ტერიტორიებიდან გადმოსულ აბიტურიენტებს ე.წ ადმინისტრაციულ საძღვარზე პრობლემა არ შექმნიათ. ერთიანი ეროვნული გამოცდები საქართველოს მასშტაბით 2 ივლისს დაიწყო და 22 ივლისს დასრულდება.