დღეს საქართველოს განათლებისა და მეცნიერების მინისტრი თამარ სანიკიძე ზუგდიდის მეორე საჯარო სკოლაში  განთავსებულ საგამოცდო ცენტრს ეწვია და ზოგად უნარებში გამოცდის მიმდინარეობის პროცესს  გაეცნო.

დღეს, ზოგად უნარებში გამოცდის პირველი დღეა , გამოცდა ოთხ სესიად იმართება . პირველი სესიისათვის რეგისტრაცია 08:00 საათზე, გამოცდა კი – 09:00 საათზე დაიწყო. თამარ სანკიძემ დაათვალიერა საგამოცდო სექტორები, გაესაუბრა საგამოცდო ცენტრის წარმომადგენლებს .

 თამარ სანკიძემ აღნიშნა,  რომ ზუგდიდის საგამოცდო ცენტრში გამოცდებს აბარებენ აფხაზეთიდან გადმოსული აბიტურიენტებიც. როგორც მათ მითხრეს,  საზღვარზე გადმოვლისას პრობლემები არ შექმნიათ და ეს ძალიან მნიშვნელოვანია – განაცხადა მინისტრმა მედიასთან საუბარში .

 საგამოცდო ცენტრის ხელმძღვანელის  ნანა ქირიას  ინფორმაციით, ზუგდიდის საგამოცდო ცენტრში სულ 1700 – მდე აბიტურიენტია დარეგისტრირებული,  მათ შორის 100-მდე აბიტურიენტი კონფლიქტის ზონაში ცხოვრობს. შექმნილია ყველა პირობა საგამოცდო პროცესის მშვიდ ვითარებაში ჩატარებისთვის.  ცენტრის მიმდებარე ტერიტორიაზე მორიგეობს სასწრაფო დახმარების მანქანა, სამაშველო სამსახური. წესრიგს  საპატრულო პოლიცია უზრუნველყოფს.