რუსთავი 2-ის გენერალური დირექტორმა ნიკა გვარამიამ ტელეკომპანიის დაკვეთით GFK-ის მიერ ჩატარებულ კვლევებზე ისაუბრა და თქვა, რომ კვლევა ობიექტურია, რადგან მისი შედეგები არც ერთ პარტიას არ მოსწონს.
,,ქართული ოცნების'' მხრიდან კვლევის შედეგებისადმი გამოთქმულ უნდობლობაზე იგი აცხადებს, რომ მმართველ გუნდს საკუთარი კვლევის სჯერა, რომელიც ზურაბ ბიგვავამ ჩაატარა.
„მათი კვლევა ჩაატარა იმ ადამიანმა, ვინც ბიძინა ივანიშვილის PR-ს გეგმავს. საუბარია ბიგვავაზე, რომელმაც ამ კვლევით რეალურად გაზომა საკუთარი საქმიანობა. ის არის კარის სოციოლოგი და კარის პიარშიკი. ბუნებრივია მისი ციფრები იყო ისეთი, როგორიც სურდა ივანიშვილს,“ – აცხადებს ნიკა გვარამია.
ნიკა გვარამიამ სხვა პარტიების მხრიდან გამოთქმულ პრეტენზიებსაც პასუხობს და პოლიტიკოსებს ურჩევს კვლევების შეფასებისას მეტი „სოლიდურობა“ გამოიჩინონ.
რუსთავი 2-ის დაკვეთით GFK არჩევნებზე ჩაატარებს ეგზიტპოლებს და პირველ ოქტომბერს ბოლო კვლევის შედეგები გამოქვეყნდება.