ზუგდიდის მუნიციპალიტეტის გამგებელმა და მაჟორიტარი დეპუტატობის კანდიდატმა ედიშერ თოლორაიამ გადაგომის შესახებ საკრებულოს განცხადებით გუშინ მიმართა, მისი განცხადება საკრებულომ დღეს რიგგარეშე სხდომაზე დააკმაყოფილა. ედიშერ თოლორაიას ოთხწლიანი მუშაობა საკრებულოს უმრავლესობამ დადებითად შეაფასა. თუმცა განმუხურის მაჟორიტარმა დეპუტატმა "ნაციონალური მოძრაობიდან" ემზარ ახალაიამ ამ ოთხი წლის განმავლობაში გამგებელს შეუსრულებელი სამუშაოები შეახსენა. „განმუხურში4 წლის განმავლობაში არაფერი გაკეთებულა, ფაქტიურად შეჩერებულია ინფრასტრუქტურული სამუშაოები – არ არის გზა, შეჩერებულია გაზიფიცირების პროცესი, არ არის ინიდივიდუალური გამრიცხველიანება, მოუწესრიგებელია სტადიონი.დარჩელი-განმუხურის დამაკავშირებელი ხიდი ავარიულ მდგომარეობაშია, კანალიზაციის მილები ლპება, რა გააკეთეთ რომ ვიცოდე, მეც დაგიკრავდით ტაშს“- ამ სიტყვებით მიმართა ედიშერ თოლორაიას ემზარ ახალაიამ. დეპუტატის კითხვებს გამგებელმა სხდომაზევე უპასუხა, მისი განცხადებით, სამუშაოები ამ ეტაპზე მიმდინარეობს და ცუდია რომ გამგებელი საქმის კურსში არაა და არ არის ინფორმირებული თუ რა სამუშაოები კეთდება მის სოფელში. ედიშერ თოლორაიამ განმუხურის მაჟორიტარი დეპუტატი მასთან კომუნიკაციის არქონაში დაადანაშაულა და განაცხადა, რომ მსგავსი პრობლემებით დეპუტატს მისთვის არასდროს მიუმართავს.
„რა გააკეთეთ რომ ვიცოდე, მეც დაგიკრავდით ტაშს“- განმუხურის მაჟორიტარი დეპუტატი ედიშერ თოლორაიას 4 წლიან მუშაობას აფასებს (Video)
Published on